الرئيسيةس .و .جبحـثالأعضاءالمجموعاتالتسجيلدخول

شاطر | 
 

 طبعك ياوطن ماترضه بالشين ..منقول ....دموع العراقية الحزينة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دموع العراقية الحزينة
Admin


عدد المساهمات : 25
تاريخ التسجيل : 02/12/2008

مُساهمةموضوع: طبعك ياوطن ماترضه بالشين ..منقول ....دموع العراقية الحزينة   الأربعاء ديسمبر 10, 2008 11:09 pm

السلام عليكم يااهل الوطن الجريح

[center] [center][center]طبعك ياوطن ماترضه بالشيـن
بس طبعك تغير ياوطن هسه

چفك شو كَبل بعدال چفيـن
بس هسه الاصابع حتى مو خمسه

وناسك تحتضر والموت عالباب
شمتاني بعد ويعرفــك بنفسه

بـغدادك نخت صاحت عراقاه
تالي تندمت عالواو چه خرسه !!!

وننسه ياوطن متكَول وشلون
كل ظنك سهل من نقتنع ننسه ؟؟؟

ننسه چم يتيم وارمله بيك
لو ذاك الفقير الفجروا عرسه

بسك طيـبتك ماتنفع اليوم
من طبع الاسد بفعاله هم شرسه

ماتدري المثـل ياموطني شكَال
ينفع نفسه كل من ياكل بضرسه

محتلك حقد شايلك سنين
وكل ما يذكرك وذكره بأمسه

وعميان الدول ما شافتك زين
والاعمه طبع مكروهه اله شمسه

ولا انتَ طفل مايعرف يثور
ستالاف عمرك ياوطن تنسه

مو حتى الظهر مل التوابيت
ودخان البنادق كَمنه نتنفسه

كافي ننتظر حس بينه وارجوك
بس كَول شوكت ياموطني تــقسه ؟؟؟



ساكت ياوطن والحركَه تاكل بيك
لو خايف بعد والسكته من خوفك

من حرب الحرب جبنه العمر وياك
من اكل الجثث ما ينترس جوفك

مابيك الذنب كَول الذنب چا وين
يمكن نعتذر لو نفهم ظروفك

چنت المدرسه وبيك الشعب طلاب
وبس دك الجرس شو فارغه صفوفك

تقبل ياوطن يرضيك هذا الحال
ناسك للأسف تتراكض تعوفك

وتقبل ياوطن شبانك الحلوين
تتغرب غصب تحرمهه من شوفك

جاوب لا تظل ساكت يبو الثورات
عشرينك بعدهه اتعيش بطيوفك

من طور الحزن ملينه ما ملّيت
چاطور الفرح ما تعزف دفوفك

من ريد الفرح بس كون ريدك سيف
موعيب بغمده اتنامهه اسيوفك

بايكَ ما صرت ما خاف من جلاد
مو هذا شعارك هذه معزوفك

چاشنهو التغير يا عراق شبيك
ثار حسين ذمه ابشيبة ازلوفك

شعبك من عطش رادك مثل عباس
يعني حسين شعبك وارضه اله اطفوفك

لكن للأسف ماكَوا مثل عباس
ومانوصل عشر ياحسين لحروفك

ونعتب ياوطن من حبنه الك والله
شفناكم نهر عطشان بجروفك

ومن نصحك لأن صدكَنه كلنه اخطاء
يا بيت الكرم نتسمّه بضيوفك

أصفن ويه نفسك راح تعرف زين
لو ما تنتفض چاضاع معروفك

عذراً يا وطن بس ثور حتى نثور
لو تكَضي العمر والقيد بچفوفك
[/center]
[/center]
[/center]


تحياتي لكم احبابي الحلويييييين العراقيييييييييين معكم دموع العراقية الحزينة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طبعك ياوطن ماترضه بالشين ..منقول ....دموع العراقية الحزينة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
muhanad :: المنتديات الأدبية :: الشعر الشعبي-
انتقل الى: